Biznes dasturi doirasida “OʻzInginiring” Respublika loyiha instituti” MChJ vakillari va Ispaniyaning muhandislik, qurilish va konsalting xizmatlarini koʻrsatuvchi GOC, CADE va IDOM kompaniyalari vakillari oʻrtasida uchrashuv boʻlib oʻtdi.
Ushbu tadbir Ispaniya elchixonasining Savdo-iqtisodiy departamenti tomonidan Oʻzbekiston Respublikasi va Ispaniya Qirolligi oʻrtasidagi hamkorlikni rivojlantirish maqsadida tashkil etildi.
Muzokaralar davomida tomonlar oʻz kompaniyalarining faoliyatlari haqida ma’lumot berdilar, professional tajribalari bilan oʻrtoqlashdilar va hamkorlikning potentsial yoʻnalishlarini muhokama qildilar. Uchrashuvlar konstruktiv muhitda va oʻzaro manfaatdorlik ruhida boʻlib oʻtdi. Uchrashuvlar yakunida kompaniya vakillari birgalikdagi sa’y-harakatlarni yanada muvofiqlashtirish uchun toʻgʻridan-toʻgʻri aloqa kanallarini oʻrnatdilar va bu bilan hamkorlik qilish niyatlarini mustahkamlab oldilar.
(Suratlarda IDOM kompaniyasi vakillari bilan uchrashuv tasvirlangan)
