«Ilm-fan va muhandislik yoʻlida 50 yil»

2025-yil 13-yanvar kuni «O‘zInjiniring» Respublika loyiha institutida G‘ani Ikramovich Ikramovning Gaz va neftni qayta ishlash boʻyicha loyihalar bosh muhandisining oʻrinbosari lavozimidagi faoliyati yakunlanishiga bag‘ishlangan tantanali tadbir bo‘lib o‘tdi. Ushbu kun nafaqat G‘ani Ikramovning o‘zi uchun, balki uning fan va texnika rivojiga qo‘shgan ko‘p yillik xizmatlarini yuksak qadrlaydigan Institutning butun jamoasi uchun ham juda ahamiyatli bo‘ldi.

Tadbirda G‘ani Ikramovichning ixtirochilik, ilmiy maqolalar chiqarish va o‘quv materiallarini tayyorlash sohasidagi ulkan yutuqlari qayd etildi. Uning mashinasozlik rivojiga, shuningdek, soha uchun yuqori malakali mutaxassislar tayyorlash ishiga qo‘shgan hissasini yuqori baholamaslikning iloji yoʻq. Ikromov o‘z faoliyati uchun ko‘plab mukofotlarga sazovor bo‘lgan, jumladan, «Xizmat ko‘rsatgan ixtirochi va ratsionalizator» unvoniga, shuningdek, O‘zbekiston Respublikasi «Turon» akademiyasi akademigi maqomiga musharraf boʻlgan.

G‘ani Ikramovich 1947-yil 29-iyunda tavallud topdi. 1971-yilda Toshkent politexnika institutini «elektron texnika muhandisi» mutaxassisligi bo‘yicha tamomladi. O‘shandan buyon uning kasbiy faoliyati respublikada ilmiy-texnikaviy va loyihachilik faoliyatini rivojlantirish bilan uzviy bog‘liq bo‘lb keldi. 50 yildan ortiq vaqt davomida O‘zbekistondagi ta’lim, ilmiy, ishlab chiqarish va loyihalash muassasalarida muhim muhandislik va rahbarlik lavozimlarida mehnat qildi. Ushbu davrning 17 yilini 2007-yildan boshlab «O‘zInginiring» Respublika loyiha institutiga bag‘ishladi.

G‘ani Ikramovich faoliyatining eng yorqin jihatlaridan biri uning ixtirochilik va innovatsiya sohasiga qo‘shgan salmoqli hissasidir. Fan, texnika va ishlab chiqarish sohalarida 100 dan ortiq ixtiro va patentlar muallifi hisoblanadi. U chiqargan 170 dan ortiq ilmiy maqolalar mutaxassislar uchun muhim bilim va ilhom manbai bo‘lib xizmat qilmoqda. Uning kasbiy faoliyati respublika miqyosida ham e’tirof etilgan: Fan va texnika bo‘yicha Respublika yoshlar mukofoti laureati bo‘ldi va o‘z mehnati uchun ko‘plab mukofotlarga sazovor bo‘ldi.

Ko‘p yillik samarali mehnati va o‘z ishiga fidoiyligi uchun minnatdorlik belgisi sifatida Institut jamoasi G‘ani Ikromovichga uning xizmatlarini e’tirof etish ramzi sanalmish an’anaviy milliy chopon tuhfa etdi.

Uning mehnati va erishgan yutuqlari Institutda yaratilgan ilm-fan va innovatsiya an’analarini davom ettiruvchi kelajak avlod mutaxassislari uchun ilhom manbai bo‘lib xizmat qiladi.